شعبہ مشاورت صدر مملکت برائے خواتین اور خاندانی امور کے تعلقات عامہ کی رپورٹ کے مطابق، ابتدائی مراحل میں ایورا کے وفد میں مالدیپ کی صنفی وزیر زیفلینا حسن اور ایورا خواتین کے اقتصادی خودمختاری ورکنگ گروپ کے سیکرٹریٹ کے سربراہ راجیب تریپورہ پر مشتمل وفد نے شرکت کی۔ انہوں نے مشیر صدر مملکت برائے خواتین و خاندانی امور اور وزارت خارجہ کے نمائندوں کے ہمراہ الزہرہ یونیورسٹی کی آرٹ گیلری کا دورہ کیا اور اس کے بعد الزہرہ کی آرٹ فیکلٹی کی طالبات کے ڈیزائن اور پرنٹنگ کے کام نے۔ یونیورسٹی کے مہمانوں کی توجہ اپنی جانب مبذول کرائی۔ 

 بعد ازاں یونیورسٹی کی مرکزی لائبریری کا دورہ کیا گیا اور نابینا افراد کے لیے خصوصی سیکشن، اسٹڈی ہال اور مرکزی لائبریری کے ریکارڈ روم  کا تعارف کرایا گیا۔

اس ملاقات میں الزہرہ یونیورسٹی کے سرپرست، ڈاکٹر ناظم بکائی نے مہمانوں کا استقبال کرتے ہوئے، حضرت فاطمہ معصومہ سلام اللہ علیہا کی ولادت باسعادت اور لڑکیوں کے دن کی مبارکباد پیش کرتے ہوئے کہا: ایران کی خواتین نے اسلامی انقلاب کی فتح یابی کے بعد ،44 سالوں میں نمایاں کامیابیاں حاصل کی ہیں اور آج ہمارے ملک میں زیادہ تر خواتین اور لڑکیاں اعلیٰ تعلیم سے آراستہ ہیں۔

انہوں نے کہا کہ ملک کی جامعات میں طب، پیرا میڈیسن، بنیادی علوم، کھیل سائنس، انجینئرنگ اور آرٹ کے مختلف شعبوں میں تقریباً 36 فیصد فیکلٹی ممبر  خواتین ہیں اور یہ ایران میں خواتین کی کامیابی کا صرف ایک حصہ ہے۔ انہوں نے کہا کہ  ایران میں لڑکیوں کی تعلیم کا ایک اور حصہ، زندگی کے ہنر کی تعلیم ہے ۔

 الزہرہ یونیورسٹی کے سرپرست نے کہا: دوسرے لفظوں میں، خاندانی معیشت میں غیر رسمی لیکن موثر تعلیم، جو نسل در نسل ماؤں سے بیٹیوں تک منتقل ہوتی رہی ہے، درحقیقت ماضی سے لے کر مستقبل کا ایک بہت بڑا ثقافتی ورثہ ہے۔ اور خواتین کی سرگرمیوں اور ریکارڈ کے اس بڑے حصے کی نشاندہی کرنا ہماری کوششوں میں شامل  ہے۔

 ناظم بکائی نے تاکید کی: ہماری خواتین نے یہ کامیابیاں تین وجوہات کی بنا پر حاصل کی ہیں: کوشش، عزم اور مشکلات کو برداشت کرنے کے لیے استقامت،اور اسی طرح اسلامی جمہوریہ ایران کے نظام میں مختلف شعبوں میں خواتین کی موجودگی کے لیے ضروری بنیادی ڈھانچے کی فراہمی، اور ان کے لیے محفوظ ماحول ،جس میں خواتین ذہنی سکون کے ساتھ اپنی کوششیں جاری رکھ سکتی ہیں۔ ہمارا یہ  پر تحفظ  ہمارے  شہیدوں کی قربانی کے مرہون منت ہے جن کی اعلیٰ مثال قاسم سلیمانی ہیں۔ ایک عظیم انسان جو خطے کی خواتین اور بچیوں کی حفاظت کے لیے اٹھ  کھڑے ہوئے  اور شہادت پائی۔

اپنی تقریر کو جاری رکھتے ہوئے انہوں نے الزہرہ یونیورسٹی کا تعارف کرایا اور کہا: "الزہرہ یونیورسٹی، تقریباً 60 سال کی سائنسی سرگرمیوں کے ساتھ، اس وقت 10,000 سے زائد طلباء اور 380 فیکلٹی ممبران اور 160 تعلیمی شعبوں میں ممتاز اور ماہر محققین بیچلر، ماسٹرز اور ڈاکٹریٹ کی سطح کی حامل ہے ۔

"تعلیم یافتہ عورت، ترقی یافتہ معاشرہ" کے نعرے کے ساتھ الزہرہ یونیورسٹی کے ہدف کی طرف اشارہ کرتے ہوئے  یونیورسٹی کے پروفیسر نے مختلف شعبوں میں خواتین  ماہرین کی تربیت اور ان کے روزگار کے بارے میں کہا: الزہرہ یونیورسٹی؛بحر  ہند کے متعدد ممالک کی یونیورسٹیوں کے ساتھ  رابطے میں ہے ،جن میں ملائیشیا، انڈونیشیا، بھارت، جنوبی افریقہ وغیرہ جیسے ممالک شامل ہیں ۔ ہمیں یقین ہے کہ مل کر کام کرنے سے ہم خطے، ایشیا اور دنیا میں خواتین کی حیثیت کو بہتر بنانے میں کارگر ثابت ہو سکتے ہیں۔

 ڈاکٹر ناظم بکائی نے مزید کہا: موجودہ دور میں، ہم الزہرہ یونیورسٹی میں مختلف شعبوں میں کام کر رہے ہیں، جیسے کہ مشترکہ منصوبوں کو آگے بڑھانا، ماہرین کی موجودگی کے ساتھ مشترکہ تربیتی کورسز کا انعقاد، سیاحت کی صنعت اور مقامی دستکاری کی ترقی، مہارتوں میں اضافہ اور عملی۔ معاشرے کی ضروریات کے مطابق خواتین کا تعلیم، اسلامی فنون کی ترقی وغیرہ ،جن میں میں ہم رکن ممالک کی مسلم کمیونٹیز کے ساتھ تعاون اور رکن ممالک کی یونیورسٹیوں کے ساتھ علم و ٹیکنالوجی کا تبادلہ کرنے کے لیے تیار ہیں۔

اجلاس کے تسلسل میں الزہرہ یونیورسٹی کے بین الاقوامی سائنسی تعاون کے ڈائریکٹر ڈاکٹر تاجیک نے الزہرہ یونیورسٹی کی بین الاقوامی سرگرمیوں کے بارے میں معلومات فراہم کرتے ہوئے کہا: ثقافتی، سماجی اور اقتصادی میدانوں میں خواتین کو خودمختار بنانا،ہماری ذمہ داریوں میں شامل ہے۔

 خواتین کی سماجی شراکت اور پائیدار ترقی کو فروغ دینے، لڑکیوں کو یونیورسٹی کی سطح پر تعلیم دینے، سیمینارز، ویبینارز اور تعلیمی ورکشاپس کے انعقاد کے ذریعے لڑکیوں کی اختراعات اور کاروبار میں مدد کرنے اور دنیا کی دیگر یونیورسٹیوں کے ساتھ سائنسی تعاون کے میدان میں الزہرہ یونیورسٹی کا بین الاقوامی یونیورسٹیوں کے ساتھ فعال تعامل، معاشرے میں خواتین کی نشوونما اور فروغ کے مقصد کے تحت انجام دیا جاتا ہے۔

انہوں نے یہ بیان کرتے ہوئے کہ ہمارا مقصد، لڑکیوں اور خواتین کو اپنے خوابوں کی تعبیر پانے  اور معاشرے میں ان کے نمایاں کردار کو بڑھانے کے لیے تیار کرنا ہے، مزید کہا: ہماری خواتین نہ صرف معاشرے میں کامیاب اساتذہ، منیجر، انجینئر اور ڈاکٹر ہیں بلکہ بیویاں، مائیں، بہنیں اور بیٹیاں بھی ہیں۔ وہ اپنے خاندانوں میں بھی بااثر ہیں۔ خواتین کو فن کے میدان میں بااختیار بنانے کے سلسلے میں آیورا ورکنگ گروپ کے ساتھ تعاون الزہرہ یونیورسٹی کے اس مشن کو پورا کرنے کا بہترین موقع ہوگا۔

میٹنگ کے اختتام پر، فیکلٹی آف آرٹس کے سربراہ اور الزہرہ یونیورسٹی کے ٹیکسٹائل اینڈ کلاتھنگ ڈیزائن ڈیپارٹمنٹ کے فیکلٹی ممبر ڈاکٹر طالب پور نے ٹیکسٹائل ڈیزائن اور پرنٹنگ کے شعبے میں خواتین کو خودمختار بنانے کے لیے تجاویز پیش کیں۔

انہوں نے تربیت کے میدان میں فعال گروپوں کی تشکیل اور انہیں مضبوط بنانے کے اہداف کے بارے میں تفصیلی وضاحت کی اور لڑکیوں کے ساتھ ساتھ ،خواتین کے لیے موثر کاروبار کے لیے خواتین کی پیداوار اور برانڈنگ، کپڑوں، اسکارف، جوتوں، قالینوں، میز پوشوں اور قالینوں پر روایتی ایرانی ڈیزائنوں کی ڈیزائننگ اور پرنٹنگ کے مقاصد کے بارے میں تفصیلی وضاحت پیش کی۔ اور صارفین کی ضروریات اور ذوق کے مطابق تشخیص اور مارکیٹنگ کی مصنوعات کا تذکرہ کیا۔ آخر میں، ڈاکٹر طالب پور نے سوشل نیٹ ورکس کے استعمال اور ٹیکسٹائل اور کپڑوں کے ڈیزائن اور پرنٹنگ انڈسٹری کی تقریبات میں شرکت کی اہمیت، اور حکومتوں اور تجارتی تنظیموں کی مالی مدد کی اہمیت پر زور دیا۔

آخر میں، الزہرہ یونیورسٹی آرٹ فیکلٹی کے ٹیکسٹائل اور لباس کے ڈیزائن کے کاموں میں سے ایک فن پارہ ،مالدیپ کی صنفی وزیر کو پیش کیا گیا۔